Növbəti jurnalımız Scopus bazasına qəbul edildi

Qiymətləndirmə prosisinin müsbət nəticələrinə əsasən Jurnalların Seçimi Məsləhət Şurasının (CSAB) qərarı ilə Jomard Publishing nəşriyyatının dərc etdiyi New Materials, Compounds and Applications jurnalı Scopus bazasında indekslənmək üçün qəbul edilib.
Bu fakt Scopus ofisindən Jomard Publishing nəşriyyatına göndərilən rəsmi məktubda öz əksini tapıb.

Diqqətəlayiqdir ki, jurnal Scopus tərəfindən qəbul edilmiş bütün meyarlar üzrə yüksək qiymət almışdır.

Jomard Publishing adından bütün redaktorlarımızı, redaksiya heyətinin üzvlərini, rəyçiləri, müəllifləri və texniki işçiləri təbrik edir, bu ciddi uğurun əldə edilməsində onların rolunu və töhfələrini dərindən qiymətləndiririk.

İnanırıq ki, Scopus -da indeksləşdirmə jurnalın müəllif cografiyasını əhəmiyyətli dərəcədə genişləndirəcək və bu da öz növbəsində onun elmi səviyyəsinin daha da yüksəməsinə töhvə verəcək.
https://suggestor.step.scopus.com/progressTracker/?trackingID=06E90AB1CA438C2E